Kiro Dandaro

Низ годините.

Историјата на Печатницата, која во основа е историја на графичката дејност во Република Македонија, започна на 12/11/1944 година, само осум дена по ослободувањето на Битола. Започна како занаетчиска работилница на 22 вработени, за по шест децении да израсне во современа графичка индустрија, во која егизстираат околу 200 вработени, од различни профили и звања. Во 1948 година Печатницата се трансформира во индустриско претпријатие, во кое од 1950 година е воведено работничко самоуправување. До почетокот на 70тите години има самостоен развој, по што се трансформира во Основна Организација на здружен труд "Киро Димитровски Дандаро", во рамките на работната организација Битолски графички завод. Во почетоткот на 90 тите години, во процесот на транзиција на општествениот капитал, прерасна во Акционерско друштво, во која што форма успешно датира до денес. Од своите почетоци, до денес Печатницата го сочува развојниот континуитет, создадени се просторни, кадровски и технолошки услови, кои му овозможуваат постојан развој и просперитет.

Нашето име.

Киро Димитровски Дандаро беше графички работник, вистински борец, родољуб и хуманист. Тој спаѓа меѓу плејадата борци кои го дадоа својот живот за слободата и развојот на својата земја. Денес тој претставува симбол за вработените во Печатницата и целиот колектив кон него ја изразува својата длабока почит.

Печатницата денес.

Со својата богата историја во производството на високо–квалитетен печат, постојаното надминување на очекувањата на клиентите, денес Печатницата се издигна на високо ниво во Графичката индустрија. Денес Печатницата ја претставува Графичката индустрија во Републиката. Работејќи по современите принципи на работење на територијата на повеќе балкански и светски држави, Печатницата ја воспостави и одржува својата долгорочна цел, а тоа е задржување на лидерската позиција на пазарот, свесно и одговорно однесување, како и професионален однос кон потрошувачите. Располагаме со најсовремена технологија, ги следиме достигнувањата на европско и светско ниво во графичката индустрија. Нудиме целосна (full service) услуга во делот на: Подготовка [Prepress], Доработка [Postpress], Офсет Печат [Offset Printing], Безбедносен Печат [Security Printing], Флексибилна Амбалажа [Flexible Packaging]

Нашиот тим.

Пријателски настроени, високо квалификувани, мотивирани и посветени лица ќе сретнете во нашата компанија. Ние обрнуваме внимание на деталите и се стремиме кон совршенство. Континуирано инвестираме во нашите вработени, во подобрување на нивните вештини. Уживаме во она што го работиме, што се покажува во квалитетот на она што го произведуваме.

Она што го ветуваме.

Постигнување на најдобрите печатарски решенија е нашиот водечки предизвик. Секогаш сме спремни преку стручни, пријателски и брзи совети да им излеземе во пресрет на потрошувачите. Нашите деловни партнери ги третираме со почит, доверба и посветеност и со нив одржуваме блиски пријателски односи, во кои доминира длабокото чувство на лојалност.